欢迎关注我的微信公众号“我要学广东话”
早晨，琴日你训得好唔好啊？欢迎继续嚟听我碎碎念。
下面我讲吓我琴日觉得暖心嘅事。
今日同一个好耐冇见嘅学生上课，佢同我讲咗佢嘅近况，听完之后，我忽然觉得好有斗志；
喺楼房嘅影子下面行路，一抬头，睇到金黄色嘅阳光，觉得成个世界都光咗，太阳系我喺冬天最中意嘅嘢；
上瑜伽课嗰时，我听到隔离瑜伽房嘅一班女仔喺度努力做运动，我忽然之间觉得充满咗正能量，呢度嘅每一个人都喺度努力成为更加好嘅自己；
喺微信睇到好得意嘅插画，有种好治愈嘅感觉，自己都好想郁手画啊；
喺后台收到好多感谢嘅留言，睇完之后觉得心好暖。
我好中意乔布斯讲嘅一段话，佢话，我哋要追随自己嘅内心，唔好俾世俗嘅言论所阻碍。可能我哋会喺生命中做好多唔相关嘅事，但系终有一日呢啲事会连接埋一齐。当我哋向前睇嘅时候系冇办法知道呢啲事会点样连接埋一齐，唯有当我哋向后睇嘅时候，你先会好清晰咁睇到呢啲事连接嘅方法。所以我哋一定要相信佢哋始终都会喺我哋嘅生命中连接埋一齐，因为唯有咁样，先可以俾到你追随内心嘅勇气。
我唔知道点解自己会开始整粤语嘅课程，我一啲都冇谂到有咗呢个课程之后会点样，但系我当时只系有整一个课程嘅谂法，跟住我就整咗。我唔知道呢个公众号同喜马拉雅嘅账号以后会发展成点，但系我相信佢一定会带俾我更加多嘅惊喜。
多谢你听完我嘅碎碎念，祝你周末愉快。欢迎同我分享你今日遇到嘅暖心嘅事。我哋听日再见，拜拜！
最后打个小广告，我最近做了个学习粤语的小程序，名字是“小草粤语”，非常适合零基础的同学使用，扫描文中的二维码，或者在微信搜索“小草粤语”就可以找到我的小程序啦。
先讲到呢度，我哋下次再见，拜拜！
你可以在喜马拉雅搜索“广东话初级学习”，可以找到微信里的所有音频，方便重复收听。
最后如果你想系统学习粤语拼音，可以点击以下的链接进入粤语拼音学习课程 零起点粤语拼音课全集
对了，之前我已经说过，我还开了一个微信群，因为微信的二维码是不固定的，没有办法用扫二维码的方法进群，你可以加我微信，然后我可以把你拉进去，在这个群，你可以和其他和你一样在学广东话的人交流一下。
我的微信号：Jane_Lee1991
陈歌涵
你好，可不可以把一些词语的特殊发音用拼音标注，要不然听不太清楚。多谢晒