广播专辑 弄堂茄山胡373 银碗里盛雪

银碗里盛雪  
  
畸笔叟  
　　人生在世总有苦痛烦恼。假使不相干个人苦痛烦恼也就作罢；假使是亲近个人，总归要去劝慰劝慰。
　　哪能劝慰？也难，也不难。难就难辣不晓得讲啥能让听个人受用；不难也就不难辣“不晓得”。
　　先讲一个我听来个故事。一个女孩子病了，大家侪去探望伊。有人送水果，有人送花，有人劝伊静养，有人逗伊开心。有一个男孩啥也不送，只是拉着女孩个手讲：“哎呀，看你病了，我好心疼。”就为了这句话，女孩决定并很快嫁给伊了。


　　其实，大家侪是成年人，有了暂时个苦痛，自己晓得应该哪能做。正如雪窦禅师说个：“九十六个应自知，不知应问天边月”。意思是说，该劝慰个侪自己劝慰过了，其他个别人劝慰不了，因为别人未必是“天边月”。


　　勿过因为友情，阿拉还是要去劝慰。尽管迭个劝慰往往形式大于内容，虽然想帮忙，却很难帮得上。那很可能是因为阿拉用自己个嘴巴讲了别人该讲个闲话，例如：“注意按时服药”，好像是医生该讲个闲话；“好好调整心态”，好像是心理学家该讲个闲话；“要当心冷热”，好像是对方爷娘该讲个闲话；“覅担心工作”，好像是对方单位领导该讲个闲话；反正侪不是阿拉该讲个闲话。


　　这里，“自知”是个关键词。听个人要自知，讲个人也要自知。听个人晓得别人不是“天边月”，不抱奢望，只要接受别人个好意就是了。讲个人也应该晓得自己不是“天边月”，不必考虑闲话个效果，只是讲些自己个真心话就可以了。像前面那个男孩，他就只说自己个真心话。他觉得心疼就直接说他心疼，他甚至不顾病中女孩该不该听搿句闲话。那不管不顾才是一种真。于是，真心话变成了“抱得美人归”个佳话。


　　我前面说个“不难也就不难辣辣迭个‘不晓得’浪”，就是“不管不顾”个意思。禅宗里对此有一个相当美好个评价，叫“银碗里盛雪”。雪知道银碗个白，依然盛进去，是为不显露。勿过大家侪晓得，辣辣太阳底下，看迭个盛雪个银碗，“好新鲜照耀”！