(唱)什么花儿最美丽,
什么花儿最清香,
什么花能敖冰霜,
什么花开万里香,万里香。
牡丹娇艳最美丽,
水仙优雅最清香,
腊梅敖放迎冰霜,
文明花开万里香,万里香。
(表)辣辣上海郊县个新农公社,有一个平方妇女个名字传遍了三乡四村,人人皆知,个个赞扬。伊勿是英雄,搭英雄一样可敬,勿是劳模,脱劳模一样高尚,她就是五好家庭个代表,心里纯美个代表,叫钱宝芳。一九七九年八月,钱宝芳个丈夫张大帝生患重病误床勿起,整整十个月,钱宝芳寸步勿离,细心个照料。一个本来格格壮壮,结结实实一百廿斤个年轻女人,现在却成了一位骨瘦如柴,面容憔悴个干瘪老太婆。但是更大个打击还辣后面,第二年,伊个丈夫医治无效,因病去世,搭一留下来两个年迈个公婆,一个四岁个小姑娘,欠债几千块。今后个生活哪能办了?钱宝芳一勿泄气,两勿消极,伊揩一揩眼泪,咽下了悲哀,昂首挺胸,依然挑起了迭份家庭个重担。
【节节高】她鸡叫头鸣就起身,
热菜热饭敬双亲,
为尽放压勤照料,
里里外外忙不停,
忙好家务就出工,
埋头苦干不吭声,
放工又忙自留地,
处理虫草勤耕耘。
灯下战斗绣花忙,
挑灯夜战到更深,
省吃俭用勤持家,
敬老爱幼献真情,
钱宝芳啊钱宝芳,
你有一颗纯洁的心。
(表)钱宝芳个公公日以继夜个看着为全家操劳,于心勿忍,几次开口,又欲言又止。今朝公公再也熬勿牢,对媳妇讲:“宝芳啊。”
(唱)大帝重病入故穴,
你细心体贴来照顾,
他医治无效去世早,
抛下了妻儿与父母,
办理透支几千块,
往后个日脚怎样过,
千斤重担你一肩挑,
我们两老难相互,
你并非强颜装欢笑,
你又按时来联络,
我们不应在连累你,
害你一世勿幸福,
希望你改换门庭另捷登,
脱离苦海度欢乐。
公公啊,
为啥讲出此种话,
紧勿住眼泪索落落,
大帝虽死有我在,
宝芳就是你俩亲骨肉,
这个家庭不能散,
你同舟共济共荣辱。
(表)“阿爸,阿妈。”“宝芳好媳妇啊。”“大大,阿奶。”一家三代又说又讲,家庭和睦,使伊信心更足,就是搿能,钱宝芳披星戴月,勤恳个劳动,独立支撑维持了搿能一个家庭。钱宝芳崇高个品德,纯美个心灵传遍了三乡五村,大家纷纷钦佩,赞扬纷纷,勿过还有少数人为伊可惜。有个别所谓个热心人经常为钱宝芳出谋献策,李家婶婶绰号叫饭泡粥,就是其中个积极分子。迭个人闲话特别多,多得来像锅子里个饭泡粥,笃笃笃,讲勿停。来了呀,“宝芳妹妹呀,长远没看将了,侬身体好勿了人瘦交关,皮包骨头。早饭吃过�,早饭吃过好勿吃了。早饭没吃过去吃早饭,早饭吃过吃中饭,中饭吃过吃夜饭。”伊侪是废话呀。“搿宝芳妹妹,侬年轻轻轻蛮漂亮,应该再去寻一个。”“李家婶婶,我屋里向欠债几千块,还有三个人没劳动力,啥人肯啊。”“啊呀,搿便当个呀。”
(唱)寡妇嫁人名正言顺,
另立高庄笃笃定定,
啥人反对呕伊当心,
轻者教育重者判刑。
(表)“搿么我女儿哪能办呢?”
(唱)女儿掼脱侬单独嫁人,
年轻漂亮十拿九稳,
脱仔个女儿人人茄门,
计划生育早有规定,
结婚勿养啥人会肯,
(表)“搿么我公公婆婆哪能办呢?”
(唱)男人死脱另外嫁人,
欠了债务矢口否认,
公公婆婆另请高明,
公社救济养老度生,
将来死脱干干净净,
眼泪节约花圈节省。
(表)“李家婶婶,侬心肠蛮狠,叫我掼脱女儿,抛下双亲,赖脱债务,六亲勿认,迭种品德,恶劣透顶。进老爱幼是我个本性,违背良心,要五雷击顶。侬讲得衰瘏,应该停一停。”“喔唷,侬真是狗咬吕洞宾——不识好人心,我看侬迭个寡妇一辈子做女光棍。”迭个就是饭泡粥个基本功,饭泡粥用旧个眼光看新个事物。就有迭能一个小伙子叫高良胜,对钱宝芳迭个高尚个品德深深个感动,伊爱上了钱宝芳,到处托人介绍,饭泡粥晓得迭桩事体马上辣墙壁浪绣花——戳壁脚。“啊呀,良胜弟啊。”
(唱)侬年纪轻轻搿卖相蛮挺,
找个对象笃笃定定,
去寻寡妇寻啥开心,
连老带小负担勿轻,
脱伊结婚真是热昏,
人品再好总归是处理商品。
(表)伊倒是出口成章,全部押韵。高良胜一听举例说明,“饭泡粥婶婶,谢谢侬关心,我讨宝芳,决心已定,像迭种好良心个人,我脱伊结仔婚以后一定后福无穷,蛮好个姻缘,满意个家庭,债务再多,总有一天还得清,负担再重,靠双手劳动勤奋,计划生育,我坚决赞成。我勿但要愿意嫁到女家去,我还要改名换姓,现在我叫高良胜,将来我改名叫张桂兴。你出口伤人,理所不容,旧思想旧意识要彻底个清一清。饭泡粥要变糍饭糕,到油锅里去氽一氽。“侬哪能恩将仇报,没搭良心,不要讲侬高良胜改成张贵兴,就是高良胜改成油焖笋也勿管我啥事体。我饭泡粥啥了,我饭泡粥就是好了,简练物美,大众欢迎,经济实惠,信誉永存,质量可靠,实行三包。”伊拉做广告了。
高良胜脱钱宝芳冲破旧个习惯思维结成了幸福个一对,高良胜改名叫张贵兴,拿大帝个父母当做自己个双亲,拿大帝个女儿当做自己个嫡亲。新浪风趣个讲,“同志们,我讨仔了宝芳满意了称心。”大家要问钱宝芳脱张贵兴结婚几年来情况哪能,我告诉大家十六个字,㑚一听就煞辣势清,叫亲亲热热,高高兴兴,欢欢喜喜,开开心心,迭个就要真心换真情,慧眼识好人。勿过我再顺便讲一声,迭个饭泡粥婶婶也改变了旧脑筋,为啥,伊前一腔男人也死脱,另外嫁仔个人,啥人,就是镇浪修套鞋个老山东。党个政策英明,钱宝芳脱张鬼兴通过辛勤个劳动,债务已经全部还清,将来个日脚真是乌龟笃蹄髈——没搭话说了。
(唱)张贵兴与钱宝芳,
美满幸福结成双,
同心甘浇文明花,
人美心灵好思想,好思想。
新时代,新事来,新人辈出新风扬。
用户评论