第三十五课:
第一节 语气助词:
句子的语气常用语气助词表示。
1. 表示称赞:唻:“搿块料作最好唻!”
2. 表示勉强赞同:个呀:“我明朝会到会个呀。”
3. 表示敷衍答应:啊,个啊:“好啊!我去个啊!”
4. 表示怀疑:啊,个啊:“勿要骗骗我啊?”“伊会来个啊?”
5. 表示催促、命令:呀,起来:“勿动做啥?走呀!”“大家票买起来!”
6. 表示劝听、商量:了,好了,好唻,:“勿要吵了!”“侬吃点好了。”“送拨我好唻。”
7. 表示提醒、警告:个,了噢,个噢:“乱穿马路要轧杀个!”“伊就要来了噢!”“搿眼水是开个噢。”
8. 表示讨厌:啦:“侬做啥啦!来惹我。”
9. 表示威胁:喏:“侬嘴巴再硬,当心拨我吃生活喏!(你再嘴硬,小心挨打!)”
10.表示怜惜:个嚎:“伊蛮作孽个嚎!(她挺可怜的!)”
11. 表示羡慕或反感:个欧:“伊老聪明个欧!”“侬老怪个欧!”
12. 表示指明:喏:“侬看伊搿种腔调喏!(你看他这种模样!)”
13. 表示叮嘱:鞋,噢:“洋伞带好鞋!”“勿要忘记买灯管噢!”
14. 表示不满埋怨:啦、个啦:“侬哪能介糊涂啦!”“侬看伊触气勿啦!”
15. 表示确实肯定:个:“我勿会忘记侬个。”
第二节:上海话特色词汇
因头:起因,缘故。比如:迭桩事体总归有眼因头,勿会凭空而来个。时有借因头(借个由头)意思。
单位里过民主生活,侪要求普通员工畀领导提意见。但又一眼员工会借因头,趁机拍领导个马屁。比方讲:“领导,我对侬有意见,侬工作忒幸苦了,忒勿注意自介个身体了。”然后列举了交关领导忘我工作个事例,让人听了全身起鸡皮疙瘩。
坑子(货):假货.坑子是讲自己挖了只坑,让别人跳下去。
周立波有个朋友送畀伊一块劳力士手表,一兮兮就坏脱勒,伊第二天送到名表店里向去修。店里向个老师傅一看,就勿客气个拿表还畀伊,讲:“先生,帮帮忙,这种阿拉勿修个。”为啥? “搿种坑子货,侬再去襄阳路随便买一块好了。”
巴子:巴子含有土个意思。巴子,土气个人。内在形象脱仔外部形象存在严重冲突。
模子:只识时务,讲义气个人。比如:搿种事体侬也肯帮忙,侬真算是个模子。现在是指一种敢作敢当,做事情很上路个男人的类型。比如:搿人是个模子。搿个是极富海派特色个形容词。
五斤吼六斤:拿五斤个货物吼叫为六斤个货物,表达个是一种急切脱仔激动个状态,形容吵相马辰光面红耳赤个腔调。“又勿关侬事体,侬五斤吼六斤做啥?”
有一日,周立波去美琪大戏院演出,伊拉拿车子停辣辣梅陇镇广场,然后走到美琪大戏院,走过去个辰光,看到一个人脱仔一位交警辣辣吵相马。埃个人吵勒老凶,五斤吼六斤个讲:“侬讲侬领导是啥人啊?啊!侬敢告诉我啊,侬领导是啥人?我要寻捺领导去?!”搿个辰光,交警做了一只立正个动作,然后嗓音洪亮个对埃个人讲:“我个领导是xxx。”
狠三狠四:凶,蛮勿讲理。
投五投六;投七投八:形容一个人做事莽撞,冒失,忙碌但呒没目标,像无头苍蝇一样。有种人就是投五投六个,老是落脱手机。
老三老四:说话好为人师,态度傲慢。特别用于年轻人脱仔小人。
第三节【王小毛看大世界】
王小毛过马路,看到绿灯,一只脚刚刚伸出上街沿,只看到一辆辆脚踏车、助动车越过停车线,直朝王小毛冲过来,吓得王小毛连忙退回到上街沿。迭些车子一直冲到马路当中才停下来等红灯。王小毛摇头叹气:无规无矩,野蛮小鬼!
第四节:上海话说笑
毫无疑问,侬手浪向个光亮吸引了我。伊像暗触触个夜里向个一束光芒,照亮了我搿个时刻个人生。我想晓得,侬搿能介优秀个男人,为啥到现在还是单身呢?
第五节 上海话俚语
额骨头:额骨头高是指运道好。交关科学发明侪靠额骨头高,比如牛顿,一只苹果落勒嗨伊额头浪,伊就发现了万有引力,一记头变成了大科学家。侬想想,如果落下来是只铅球呢?伊额骨头就呒没介高了。
辣末生头:突然。一种呒没预感个状况。一记头是一下子个意思,虽然可能有预感。
xxxx写个“xx州长”,讲个是一位候选人辣辣竞选州长个辰光,辣末生头从台下头冲上来几个勿同肤色个小人,抱牢伊个大腿喊“爸爸,爸爸,”埃个辰光伊就憨脱了。
第六节:上海话童谣
木头人
三三三
山上有只木头人
不许讲话不许动!
本来要打千千万万记,
现在辰光来勿及,
马马虎虎打十记
一、二、三、四、五,
六、七、八、九、十
打了十记还不够
还要打三记
一二三!
山上有只老虎,
老虎要吃人
把伊关勒笼子里
笼子坏忒
老虎逃脱
逃到南京
买包糖精
摆勒水里浸一浸
xx赤佬(或:密西密西)拉胡琴
吭里吭里吭
哭烛包
一歇哭
一歇笑
两只眼睛开大炮
一开开刀城隍庙
城隍老爷哈哈笑
土豆9999
天上星 天上星,地上星, 爷爷叫我吃点心。 勿高兴,买糕饼, 糕饼甜,买斤盐, 盐末咸,买只篮, 篮末漏,买升豆, 豆末香,买块姜, 姜末辣,买只鸭, 鸭末叫,买只鸟, 鸟末飞,买只鸡, 鸡末喔喔啼, 买只椠光梨。
心底的明媚三期
老师说得真好!谢谢!
小侯理财小屋
有没有学习上海话的书,推荐。
1582787jgwa
2020.6.1已听
1382613wglr
666