情景对话八：推荐几个周末孛相相个场化呢。
蔡：大家侪讲常州个主题公园好孛相的，顾老师，你去过朆？
顾：只去过恐龙园，漂亮是蛮漂亮个，就是里头个项目太煞火咧，哈伲上点年纪个人吃弗消。
蔡：介佬啊？我家儿子周末硬紧要拖偶去的。
顾：周末是越加弗好去咧，人轧人，排队要排出人性命个。要去还是买张年票，一个项目一个项目好好较孛相过去。
蔡：个么顾老师，你来常州个年数长，推荐几个周末孛相相个场化呢。
顾：红梅公园，天宁寺，舣舟亭去过朆？
蔡：去到则覅去咧。
顾：湖塘桥个春秋淹城像煞蛮好个，小佬还好学学文化历史的。
蔡：诶，好佬。
顾：远点么，溧阳天目湖，南山竹海，风景呱呱叫。
蔡：嗯，顶欢喜有山有水个地方咧。
顾：周边无锡、苏州、上海、镇江、南京、扬州、宜兴、湖州、杭州，孛相个地方多到则热昏。
蔡：哦哟，照介佬则孛相么，要吃西北风咧哇。
用户评论