常州话10（3人）

情景对话十：今朝哈伲大家来扯扯常州个历史搭则文化

楼老师：今朝哈伲大家来扯扯常州个历史搭则文化，哪佬啊？

诶，对佬，老顾你平常见多识广，你先来讲两句，好伐？

顾：

好个，个么偶先来讲两句。常州古辰光号称“中吴要辅”，“八邑名都”，勒历史上还是蛮有名气个，是吴文化的发源地之一。

楼老师：老顾讲则的对个，勒历史上常州叫过延陵、晋陵、兰陵、毗陵、常州，介些套名字，周围个江阴、宜兴、无锡，包括江对过个靖江，原来呢都是属于哈伲常州府管辖个。

蔡：介些场化原来侪是常州个啊？今朝长见识个咧。

楼老师：小蔡，下头你来？

蔡：你家男个懂历史的，我家女个弗懂介些个。

楼老师：诶，大家有嗲讲嗲，就当是扯扯老空咧。

蔡：个么偶瞎讲两句啊，讲则弗对楼老师覅笑偶。哈伲家现在讲个常州话属于吴语当中个毗陵小片，毗陵就是常州个古称。最早系统研究吴语个语言学家就是常州人：赵元任。

楼老师：对佬。常州历史上个名人啊多到则野野哗哗，三天三夜都讲弗完。

大家侪讲则蛮好个。个么偶来做个总结啊，学方言呢，实骨则没嗲诀窍个，只要多讲多练，平常辰光呢多交大年纪佬扯扯，诶，天天看看《生活369》，总归讲则好常州话个啊。