广府字词,研推不易,
希望大家,多多支持!
“禾字边”加上一个“车票”嘅“票”字,粤语读“biao”。
“䅺”字嘅本意就係:“突出,冒起”。通常讲一个人好出色、好出众,我哋会形容佢:䅺青。好多时候有人会将“䅺青”嘅“䅺”写成“目标”嘅“标”,其实係代用字黎嘅。
喺《集韵》记录咗:“䅺,卑遥切,稻苗秀出者”。呢句话嘅意思係指“嗰啲水稻喺生长过程容易拔高嘅嗰个节呢,为之䅺。”听过黄东波老师嘅介绍,喺务农嘅时候,喺水稻种落去做秧苗嘅时候呢,有一段时间就专门䅺(长)呢个青色嘅蕊,呢个时候就叫䅺青。
作为岭南名城嘅广州,亦都叫做“羊城”,因为有五只仙羊,口鹐住稻穗,降临宝地,祝福呢个地方。呢个羊城从此以后就五谷丰登,亦都被誉为“穗城”。
“稻作”文化喺广州亦都非常之源远流长。“䅺青”嘅“䅺”字呢,我认为係有广府文化嘅特点,因为佢係源远流长嘅嘛,係咪先?你觉得唔係?你唔够䅺青啊?唔紧要,你多啲听广韵刘声嘅节目,学多啲关于我哋嘅广州字、词嘅解释,咁你就会越来越䅺青,越来越出众啦,多谢大家!
声音简介
用户评论
表情0/300
音频列表
- 2018-01
- 2018-01
- 2018-01
- 2018-01
- 2018-01
- 2018-01
- 2018-01
- 2018-01
- 2018-01
- 2018-01
查看更多
粤传承
优秀,鹐字终于见字了