臩街……原来係咁！

广府字词，研推不易，
希望大家，多多支持！

上面一个“臦”下面一个“大”再加“两竖”，普通话读“guang3”或者读“jiong3”，粤语读“gwaang6”或者读“kwaa3”。

《廣韻》《集韻》记录咗：“俱往切，音逛。驚走也。又往來貌。”

粤语中“臩”係指：“漫无目的咁散步”。例如讲：“唉，开会好闷啊，我去花园臩一臩先。”“咁得闲，我喺条街度自己臩一臩先。”

一般粤语中讲嘅“臩街”就係指：“係大街上面随意行走，寻找自己感兴趣嘅事情或者事物”。喺网购未普及嘅时候，广大青年女同胞嘅业余爱好就係钟意去臩街嘅。

据英国心理学家考评：女孩子臩街对心理或身体都有极大好处。因为遇到唔开心嘅事情，臩街购买自己钟意嘅物品，会得到心灵上嘅安慰而变得开心。但係相对于女同胞嚟讲，男同胞臩街嘅危害性比较大，谂下就知啦，同女朋友或者太太出去臩街，一係就闷死，一係就钱包榨干，造成极大心理压力。但係建议男同胞随遇而安，感受下臩街嘅乐趣。