粤读时光,看见生命中嘅光。
我2016年开始做中文老师,
到宜家已经足足有四年啦。
呢四年我上咗超过六千节汉语课。
咁上咗咁多汉语课之后我最大嘅体会系乜嘢?
我最大嘅体会就系,
唔好追求快,
一定要学明白再继续学新嘅嘢。
好多人都想以最快嘅速度学识一样嘢,
我觉得呢个谂法本身冇错,
只系如果学语言只系追求快,
而唔系追求理解,
咁就会有好多唔明白嘅地方,
继续学落去就会觉得越学越难,
咁样可能打击自信,
慢慢就唔想学。
学语言,或者讲学嘢,
打好基础真系好重要,
有时候慢啲有可能反而会令你学得更加快。
点解咁讲?
如果你一味追求快,
唔用多啲时间去深入理解,
其实越向下学,
你就越觉得自己唔明白。
但系如果你之前深入理解咗一样嘢,
咁你继续学难嘅内容,
你就会发觉唔系好难,
相对前一种学生,
你会学得快啲。
前一种学生好似学得快啲,
但系其实越往后,
佢哋就学得越慢。
我啱啱开始教中文嗰时,
觉得每节课应该教新课,
我用呢个方式去教学生,
学生亦都冇觉得有乜嘢问题,
但系教咗一段时间之后我就发觉,
当我哋开始学复杂少少嘅内容嗰时,
佢就开始有啲跟唔上,
越向下面学就越难,
我嗰时一直都唔知道问题到底喺边度。
但系四年之后,
我明白咗一个道理,
学习其实系一个复习嘅过程,
老师唔单止要教俾学生新嘅知识,
仲要帮学生复习旧嘅知识。
温故知新我细细个就听过,
直到我做老师做咗四年我先明白咁样做到底有几重要。
宜家我上课嗰时,
会用一半嘅时间同学生反复练习之前学过嘅内容。
虽然我哋学得慢一啲,
但系我发觉学生完全跟得上节奏,
而且学复杂嘅内容嗰时,
都唔需要太多时间就学识咗。
我忽然之间就明白咗,
有啲知识睇起身好似好简单,
但系当你将简单嘅知识组合埋一齐之后,
难度就会加大,
如果喺呢个基础上面,
你再学更加难嘅嘢,
其实呢个难度系好大嘅。
一定要等到学生已经熟练掌握咗简单嘅内容,
请注意,
系熟练掌握,
唔系知道,
唔系识,
系熟练掌握咗呢个内容之后,
再继续教新嘅内容,
呢个教学过程先会成功。
学习一种新嘅语言就好似爬山,
爬山有好多种方式,
你可以垂直咁从山脚爬到山顶,
呢种方式最快,
但系最难,
冇乜嘢人可以通过呢种方式爬到山顶。
大部分人都会拣另一种方式爬山,
佢哋会拣冇咁斜嘅山路行,
山路嘅倾斜度越细,
行得就越舒服,
但系要花费嘅时间就越多,
山路嘅倾斜度越大,
行得就越辛苦,
但系花费嘅时间就越少。
咁我哋应该拣倾斜度大嘅山路行,
定系拣倾斜度细嘅山路行呢?
我哋首先要明白,
我哋嘅目的系上山顶,
所以一定唔可以半途而废,
但系又唔可以太慢,
从呢个角度出发,
就可以得出一个选择依据,
我哋要拣一条我哋觉得舒服嘅路。
唯有咁样你先有可以坚持到最后。
乜嘢系我哋觉得舒服嘅语言学习方式?
其实呢个真系因人而异。
每个人嘅语言学习能力系唔一样嘅。
根据我嘅观察,
通常识讲外语嘅人学语言会快啲。
中意唱歌或者识乐器嘅人,
会比较快掌握广东话嘅声调。
如果语言学习能力强,
当然可以选择快速嘅语言学习方法。
但系如果你唔识讲外语,
咁你就慢慢嚟,
千奇唔好同嗰啲学语言学得快嘅人比,
因为每个人嘅能力系唔一样嘅,
你慢慢学,
虽然需要嘅时间会长好多,
但系你肯定都会学识。
如果你系都要用嗰啲语言学习能力强嘅人嘅方法,
咁好有可能你好快就会放弃。
学习呢样嘢唔系用嚟比较嘅,
学习呢样嘢其实系静鸡鸡努力,
跟住惊艳所有人。
最后总结一下我想讲嘅嘢,
学语言系爬山,
坚持重要过速度。
千奇唔好贪快,
仲未学识就急住学新嘅嘢,
你要掌握每一个知识点,
耐心咁学落去,
跟住好自然咁你就会学识呢种语言。
粤读时光,看见生命中嘅光。
听友87388977
第一句:阅读时光 看见生命中的光 是吗
不语婷婷byt
感谢小草老师棒棒的教学指导🌹