（白）我脱同志们一道来表演一个节目，唱啥？唱四句，猜国家，猜得出奉送84年年历片一张，勿是83年个。假使猜勿出，大家勿来去，大家塌皮。㑚听好，唱四句猜一个国家。
（唱）欢度新春过新年，出一个谜语考考你，红黄蓝白黑，这个国家在哪里？（白）就辣此地块，头一个同志讲得对个，以色列，以颜色排列，侬聪明个，肯定是大学生，有道理个，一张年历片等歇到后台来拿。
（唱）欢度新春过新年，出一个谜语考考你，我唱两个字，一个七一个六，这个国家在哪里？（白）啥地方，第几排，等歇勿要忘记脱到后台来拿。啥道理？唱起来七总归唱西，六唱拉，有道理，希腊共和国，聪明啊。
（唱）欢度新春过新年，出一个谜语考考你，爷老头子动脑筋，这个国家在哪里？（白）刚刚一个喊希腊个同志侬再……好，侬大概昨日看过我演出个。啥道理，爷老头子上巴巴多斯，爷老头子动脑筋总归是爸爸多思，聪明啊。
（唱）欢度新春过新年，出一个谜语考考你，他们两人不见了，这个国家在哪里？（白）勿晓得告诉㑚，也门共和国，他们不见了，两个单隑人拿脱，阿是也门共和国，搿趟迭张年历片我自己拿了，对勿起。
用户评论