顶呱呱上海话基础课程(6)

第一节：位置
对过 de gu：对面
里向 li xiang：里面
上头 shang dou：上面
下头 hho dou： 下面
外头 nga dou：外面

马路对过是食品商店，外头卖冷饮。里向卖样样式个食品。下头卖水果，上头卖其它食品。
搿只双人床，上头摆行李，下头困人。
学堂辣辣屋里对过，葛唠小人需要天天穿过马路。
走路请走人行道，过马路请过横道线
叮咚脱仔付付住辣同一个弄堂里向，付付住辣下头，叮咚住辣上头。伊拉常庄辣辣弄堂外头白相。

第二节：程度副词：
老……个 lao23……aak1 很、非常。侬搿个人老憨个：你这个人很傻的。搿个生活做起来老吃力个。
交关 jiao5gue1：很。   伊个收入比我多交关。 
蛮me51：挺、相当。     侬个闲话蛮有道理个。个=的。侬屋里蛮远个。
勿大vak1dda3：不太。   上海闲话我听勿大懂。我勿大清爽伊是啥个来路。搿个饭店个菜勿大好吃
煞sak5：（死）形容达到极点。搿腔我忙煞脱勒。吓煞脱人。今朝天气冷煞脱勒。侬搿个人老烦人，烦煞脱我勒

叮咚上海闲话原来勿大会讲，讲起来老吃力个。必过伊学习老买力个，化了交关辰光辣辣群里学习，现在讲勒蛮好勒。作为老师，我开心煞脱睐。

侬老婆买相老好个
侬菜烧地老好吃个。

第三节：
捉扳头zok be dou：找茬儿。侬覅捉扳头好伐？人人侪会有出错个辰光。
触霉头cok me dhou：倒霉。我今朝触霉头，皮夹子被冲手冲脱勒。
打相打dang xiang dang：打人。我今朝辣辣马路浪看到两个人打相打。
骂山门mo se men：骂人。伊辣辣阿三公司外头骂山门，存心寻伊吼势
阿三做生活老卖力个，必过伊老触霉头个，因为辣辣外头脱人家打相打，人家到伊公司搿搭来骂三门，寻吼势，事体蛮麻烦个。

第四节：上海话俚语
叫花子吃死蟹

　　“叫花子吃死蟹——只只好”，叫花子穷，只要能吃的他都说好，意指对人对事没要求，“侬要帮这个人介绍女朋友难啊，伊是叫花子吃死蟹，只只好呃。”

第五节：上海话童谣
新剃头
新剃头，打三记，勿打三记触霉头，打仔三记额角头。ngak

拆穿西洋镜：拆穿故弄玄虚、骗人的手法或把戏。
比如：小明假装辣嗨看课本，其实里向夹了一本漫画，被姆妈当场拆穿西洋镜。

装胡羊：装糊涂，假装不懂。
比如：搿个人最大个本事就是装胡羊。

烊脱了：融化的意思。
比如：娃娃雪糕一定要马上吃，否则一歇歇就要烊脱勒。

花痒兮兮：小孩子互相打闹的一种方式，用手去挠别人的肚子、腰间、胳肢窝、脚底板等，逗人发笑。
比如：再不听闲话我就要花侬痒兮兮了噢！

打烊：指营业结束。
比如：搿家面包房打烊之前东西侪打折，交关阿姨爷叔去买。

开洋荤：指到国外见世面，享受外国人的生活；尝试新鲜玩意儿。
比如：阿拉第一趟到国外旅游，真是开洋荤了呀！我买勒只Iphone，我真个是开洋荤勒。