顶呱呱上海话基础课程(7)

第一节：否定副词：
勿vak12：不  我勿欢喜侬
勿要vak1yao3 = 覅：别 侬勿要搿恁介做事体 = 你别这样做事情；侬覅去苏州，阿拉钞票用光勒
覅 = 勿要
呒没m2mak4：没有 世界浪向呒没侬搿个道理个；我想搭侬一道去苏州白相，必过我身浪向呒没钞票

第二节：介连词
拿ne：拿。我忘记拿钞票畀侬。
畀bak：给。 搿支钢笔送畀侬
葛末：那么。既然侬搿恁介讲，葛末我就覅侬送畀我物事勒；侬勿欢喜我，葛末侬走伐，我勿想嬲牢侬
跟，帮，交，搭，搭仔：和。我搭我朋友昨日早浪向去苏州白相勒；覅帮我捣糨糊，我辣辣搭侬讲道理
要是：如果；要是侬一道搭阿拉去苏州白相就好勒。要是侬勿欢喜我，我下趟（以后）就勿来勒
葛唠：所以。天落雷阵雨勒，葛唠阿拉勿好去外滩白相勒，只好蹲勒屋里白相
为仔：为了。为仔学好讲上海闲话，我去买了几本书
天气落雨勒，葛唠阿拉勿好去外滩白相勒，只好蹲勒屋里白相。要是大家同意，阿拉就辣辣屋里白相。大家侪同意勒，葛末就搿恁介定下来勒。我去拿副排，阿拉打牌。

第三节：生活词语
寻开心   xin   kai   xin  (开玩笑；逗着玩)。我讲真个，我呒没搭侬寻开心。我呒没寻侬开心
戳壁脚   cok  bik   jik  (背后挑拨，说坏话) 侬勿要辣辣我背后戳我壁脚，好伐？
淘浆糊   dao  jiang  vu  (马马虎虎、敷衍塞责；不讲原则，和稀泥；说话东拉西扯；调解，摆平)
野路子   ya   lu  zi  (非正统，非科班出身)。我是野路子，侬个电视机我修勿来个，要是弄坏脱我要吃赔账个。
瞎三话四  hak  sai  ho   si(瞎说，胡诌)。侬覅瞎三话四，绝对勿是侬想像个搿恁。
我没辣末（压末）一名算我运道好。

第四节：上海话俚语
☆烂糊三鲜汤

　　一般有经验的食客都知道，去饭店千万不能点炒什锦和三鲜汤，因为一般都是厨房里的下脚料混杂在一起煮成。“烂糊三鲜汤”，指做事没有章法，乱七八糟，邋里邋遢、混沌不开，“侬做事体有点计划好伐，勿要搿恁介烂糊三鲜汤”。此语尤指作风不检点的女性，滥交的女性，“搿个女人是个烂糊三鲜汤，随便啥男人伊侪要搭搭讪。”

介好一桩事体，畀侬做成烂糊三鲜汤

第五节: 上海话童谣
庙里一只猫,庙外一只猫。庙里猫咬庙外猫,庙外猫咬庙里猫。勿晓得到底是庙里猫咬庙外猫,还是庙外猫咬庙里猫

第六节：额外内容
【请分别用普通话和上海话读一遍，笑不抽你才怪】

普通话：他竟然说他傻
上海话：伊讲伊憨，伊讲

普通话：傻子刚才竟然说他傻
上海话：憨憨刚刚讲伊憨，伊讲

普通话：他前面说傻子刚才竟然说他傻
上海话：刚刚伊讲憨憨刚刚讲伊憨，伊讲

伊自家做坏事体，还硬劲讲是我逼牢伊去做个，伊讲。

伊欠我钞票勿还畀我，还要讲我憨，伊讲