顶呱呱上海话基础课程(8)

第一节：代词
侬个：你的
伊个：他的
我个：我的
亻那个：你们的
伊拉个：他们的
阿拉个：阿拉的
大家：
人家: 别人
自家: 自己
一家头： 一个人
两家头：两个人

搿是人家个教室，阿拉（个）教室辣辣啊里搭啊？
侬哪能一家头辣辣白相？
搿搭只有娜两家头啊？其他人呢？伊拉侪去阿里搭啦？乘差头去苏州啦？
阿拉自家做，阿拉覅人家来帮忙，伊拉只会越帮越忙。
啥侬个，我个，搿是大家个，勿是娜两家头个。

第二节：副词
老早（底），老早仔，老底仔：从前。老早仔搿搭呒没介多人，搿些人开始多起来了。
老里八早：  很久以前。伊老里八早就来勒，就辣辣等侬。
起先，开头：起初。伊老里八早就讲畀我听搿事体，别过起先我勿相信伊讲个。
后(首)来：  后来。后首来我晓得伊呒没骗我。

第三节：生活词语
勿二勿三：不正经；不伦不类。伊迭排人勿二勿三，侬覅睬伊。
搞七廿三：乱搞一气；胡缠。侬覅辣辣搿搭搞七廿三，阿拉忙来西个。
七歪八牵：不整齐；不端正。一到中浪向，大家就七歪八牵个打中觉（睡午睡）。娜是人民警察，娜看看，一个个七歪八牵，像啥个样子？
一天世界：乱七八糟。落雨勒，外头是一天世界，地浪要是是水门汀（水泥地板）就好勒。侬看看侬个房间，真个是一天世界。

第四节：上海话俚语
☆黄鱼脑子

　　“黄鱼脑子”在沪语中是个比喻的词汇，形容“记性很差、很糟糕”。我们常会调侃说那些记忆力不好的小伙伴们——东西放哪不用问了，“黄鱼脑子”基本记不住。

伊讲好帮我买票子个，伊忘记脱勒，伊讲，真是只黄鱼脑子。

第五节: 上海话童谣
冬瓜皮，西瓜皮，小姑娘赤膊老面皮，一歇哭，一歇笑，两只眼睛开大炮！

第六节：对话

看侬呀，随便！！！！
男：葛末阿拉索性回去好勒。
女：看侬呀......
男：乘公交车好伐，我送侬。
女：公交车又腻心又轧，还是算了。
男：葛末拉差头？
女：介近额路拉了伐格算额。
男：葛末阿拉走路好了，荡荡咦。
女：肚皮饿了嗨，荡啥个荡。
男：葛末侬到底想做啥啦？
女：看侬呀....
男：葛末就先吃饭？
女：侪来塞....
男：今朝夜到阿拉吃啥么事啊？
女：随便！
男：吃火锅伐？
女：伐来赛，吃火锅面孔高头要长痘痘个!
男：葛末阿拉吃川菜？
女：昨日子刚刚吃过川菜，今朝又吃。。。。
男：葛末阿拉吃海鲜去？呵呵......
女：海鲜伐好，吃了要肚皮撒个!
男：葛末侬讲吃啥？                            
女：随便.......