嗷呜婆？！原来咁先係虓䰧婆！

广府字词，研推不易，
希望大家，多多支持！

呢三个字嘅粤语读：“haau1 wu4 po4”，普通话读：“xiao1 hu2 po2”。

细个唔听话嘅时候长辈会话：“你要乖啊，如果唔係虓䰧婆会出嚟担你咖。”

嗰个时候就会好惊，心入边霖：“虓䰧婆係边个嚟咖？”

“虓”係代表：“老虎嘅叫声。”词语中代表“老虎”嘅意思。“䰧”嘅意思係：“厉鬼”，“䰧”其实就係“伥鬼”，“伥鬼”係传说被老虎咬死嘅人会变成鬼，要帮老虎揾个替身去害人，害死咗人伥鬼先可以转世投胎，係好可怕嘅厉鬼。“虓䰧”就係“老虎加上厉鬼”嘅意思。

老虎可以伤害人嘅肉体，厉鬼可以从精神上迷惑人，等人嘅魂魄堕于沉沦。喺生产力落后同文字为开启嘅旧社会，对于普通老百姓嚟讲，肉体同精神嘅摧毁，对于个人嚟讲係最可怕嘅事情。

喺广州西关人会将妈妈嘅妈妈，即係外婆叫做婆婆（po4 po1），“婆po1”係“婆po4”嘅变音。喺封建社会里边，女性係弱势群体，至于老龄嘅女性，由于年老色衰被社会边缘化，係被藐视嘅对象。

相信睇过《七月十三·龙婆》嘅朋友，对于龙婆嘅角色形象非常之印象深刻嘅，因为龙婆嘅形象就係虓䰧婆嘅写照。

喺民间流传，“虓䰧”词性发生了一点变化，係指：“不修边幅”，例如讲：“你无化妆咩？成只虓䰧咁，唔好行出嚟吓人啦。”

今日大家係咪又学到啲新嘢呢？祝大家一切顺利。