兜踎……原来係咁！

2018-03-21 11:22:3301:59 433

声音简介

广府字词，研推不易，
希望大家，多多支持！

“足字旁”加上一个“是否”嘅“否”字，粤语读“mao”，有两个意思，一係“蹲”嘅意思，比方讲：“踎低”、“踎喺度倾计”。

第二表示长期嘅逗留，例如：“我喺呢度踎咗几年啦，呢度嘅所有事情我都好熟悉㗎。” 喺我哋粤语里边，有一个词叫“兜踎”，形容有人踎喺街边，前面放住个兜，形容生活好唏嘘，好坎坷，要搞到好似乞儿仔咁样嚟稳食，呢个就係“兜踎”。

当然，大家都知道啦，有头发无人想做瘌痢。要踎喺街边搵食，都係为势所逼，当然唔係一种高大尚嘅动作。另外一个常用语就係“踎坑”啦。呢个“踎坑”係讲我哋去洗手间，必须解决生理上嘅问题。蹲下，就係广州话“踎”嘅意思。